Minnie Dlamini o takala nga u wana pfhufho ya best actress    

Zwi dzula zwi tshi takadza u vhona vhasiki vha tshi lambedzwa nga mushumo wavho wo khwaṱhaho.

Muṅwe wa vhenevho ndi Minnie Dlamini we a kona u ḓiitela dzina kha nḓowetshumo.

Minnie u khou bvela phanḓa na u penya sa muthu wa nyanḓadzamafhungo, mutambi wa matambwa na event host.

U mu vhona a tshi khou pfufhiwa nga dzi awards zwo naka u zwi vhona.

Kha mushumo wa Minnie wa zwenezwino, ndi gig yawe ya u tamba kha filimu pfufhi ine ya pfi Sired.

I amba nga ha musidzana muṱuku o ḓitikaho nga maitele ane a sa ḓihudze ngawo.

Sired o bvela phanḓa na u sedzana na nyambedzano i konḓaho, a tshi ṱoḓisisa uri hu vhe na zwine zwa itwa nga hazwo.

“U KUNDA 
Zwi dzhulela u takadza u sika, u ḓiphina, u tamba, na u KUNDA na vhathu vhe nda aluwa navho, Vhathu vhane ndo vhuya nda vha na muloro wa u vha kha heḽi bindu navho.

“U ri vhona rothe ri tshi penya na u aluwa kha zwine ra ita ndi tshimangadzo. ♥️ U kona u takusa na u ṱuṱuwedza murafho u tevhelaho ndi zwihulwane vhukuma ,” Minnie o ralo

O dovha a khoḓa vhatambi ngae na miraḓo ya tshigwada vhe vha ḓiwanela pfufho.

Vhukati havho hu na mutambi wa matambwa na muimbi Zazi Kunene, we na ene a wana pfufho ya best actress .

• VHALANI HAFHU: Tsatsi Madiba u amba nga u lovhelwa  nga Mme awe

Mthokozizi Zulu o wina pfufho ya Best Director , ngeno Zane Colquhoun o dzhielwa nṱha sa Best Cinematographer.