Miṅwaha ya u sasaladza muvhili wa DBN Gogo zwo fhela

DJ wa bvumo wa Afrika Tshipembe na muimbi Dbn Gogo o bvisela khagala uri zwenezwino o ita muaro wa u fhungudza maḓamu.

Ṋaledzi, ine dzina ḽayo ḽa vhukuma ḽa vha Mandisa Radebe, o kovha uri maitele aya o ḓa nga murahu ha miṅwaha ya u sasaladzwa muvhili na u sa ḓipfha zwavhuḓi.

U ya nga poso ya muṅwali wa zwa vhuḓimvumvusi Musa Khawula, Dbn Gogo o bvisela khagala u ita muaro kha social media, zwa vusa nyambedzano nnzhi kha inthanethe.

Naho zwi sa athu pfala uri maitele o itea ngafhi, vhafuni vho ṱavhanya u aravha kha tshanduko yawe.

Mubvumbedzwa wa Khuza Gogo o sedzana na mukovhe wawe wa u sasaladzwa kha inthanethe nga ha mbonalo yawe, fhedzi nga hetshi tshifhinga, o dzhia vhulanguli ha mafhungo.

Vhunzhi ha vhashumisi vha nyanḓadzamafhungo ya matshilisano vho mu khoḓa nga u vhea phanḓa mutakalo wawe na u khuthadzwa.

• VHA RI WANA KHA FACEBOOK| facebook.com/profile.

Ngeno vhaṅwe vha tshi vhudzisa arali khetho dzo raloho dzi tshi tshimbilelana na nyambedzano ine ya khou bvela phanḓa malugana na u vha na muvhili wavhuḓi.

Muṅwe mufuni o ṅwala uri, “Zwavhuḓi khae… vhuṱungu ha muṱana vhu bvaho kha u vha na madamu mahulwane, yoh,”

ngeno muṅwe o engedza nga uri, “U vhonala o naka zwino !!️”Vhaṅwe vho tenda uri vho ṱuṱuwedzea u humbula u ita zwi fanaho.

Na muṅwe mushumisi o ṋea vhupfiwa, “Ndi fanela u humbula u zwi ita. Wow🥺.”

Dbn Gogo zwino o ṱanganela na mutevhe une wa khou aluwa wa vhaḓivhalea vha Afrika Tshipembe vhe vha amba khagala nga ha u ita muaro u tshimbidzanaho na maḓamu.

• VHALANI HAFHU: Vhuloi live kha mbekanyamushumo ya Thokoza Gogo 

Hu tshi katelwa DJ Zinhle, Boity Thulo, Lerato Kganyago, na Cyan Boujee.

Translated by Nthaduleni Rolivhuwa