Bulayo ḽa Zolani Tete ḽo tou dzudzanywa nga vhuronwane

Muvhuso u khou amba uri bulayo ḽa  muṱaṱisani wa boxing, Zolani Tete, lo ṱou  dzudzanywa.

Khothe ya Mdantsane Magistrate’s Court yo pfa mulandu vhanna vhaṋa vha no khou pomokwa  u vhulaha Tete na u lingedza u vhulaha mufumakadzi wawe.

Tete, a re na miṅwaha ya 38, o thuntshiwa NU17, Mdantsane, nga madekwana musi o lindela gethe ya hayani i tshi vulwa.

Nga mafhungo a muvhuso, vhalwi vha no pomokwa ndi Siphesihle Kolisa (28) na Athandwa Gangala (27), ngeno Sinebongo Qase (28) a tshi pfi o shuma sa muthu wa vhukati.

Uzuzole Goqwana (22) u pfi ndi ene “mastermind”. Muambeli wa NPA, Luxolo Tyali, o ri: “Muvhuso u ri bulayo iḽi lo vha ḽo dzula loto dzudzanywa, nahone u wela fhasi ha Schedule 6 ya Criminal Procedure Act. Nga u lemela ha mulandu, khothe i ḓo hanedza bail. ”

Schedule 6 ndi tshigwada tsha nṱha tsha bail, zwine zwa amba uri vha hwelelwa vha tea u sumbedza “zwiimo zwa ndeme nga maanḓa” uri vha kone u bviswa.

Kolisa na Gangala vho no ḓi vhonadza Khothe ya KuGompo nga mulandu wa u fara zwigidi  zwi si mulayoni, nahone vho litsha khumbelo dza bail.

Goqwana na Qase vha lavhelelwa u vhuya khothe ngei Mdantsane nga Ḽavhuvhili ḽi ḓaho u ita khumbelo ya bail . 

Tete, we a aluwa Mdantsane a tshi vhidzwa “Last Born”, o wana title yawe khulwane ya shango nga 2014 musi a tshi kunda Teiru Kinoshita ngei Kobe kha IBF junior-bantamweight.

Nga 2017 o vha two-division world champion nga WBO bantamweight, a kona na Guinness World Record ya knockout ya sekende dza 11 kha Siboniso Gonya ngei Belfast.

• VHALANI HAFHU : Dolly Parton o ri sia e na miṅwaha ya 80

Tshumelo ya tshi humbudzo i ḓo farelwa Orient Theatre, KuGompo City, ngeno vhuluvhi vhu tshi farelwa Mdantsane nga Mugivhela.