Enhle Mbali o mala Black Coffee nga nthani ha tshelede yawe

Mutambi wa matambwa na mudizaini wa fesheni Vho-Enhle Mbali Mlotshwa vho dovha vha di wana vhe vhukati ha nyambedzano dza tshitshavha nga murahu ha musi muvhigo wa zwenezwino wo amba uri vho mala DJ Black Coffee we a wina Grammy nga nthani ha lupfumo lwawe.

U ya nga Sunday World, mbilaelo iyi yo bvelela kha khaṱhulo ya Khothe Khulwane ya Johannesburg nga murahu ha ṱhalano yo fhelelaho ya vhavhingani.

Muvhigo wo sumbedza uri Enhle o vha a tshi kokodzwa nga vhuimo ha Black Coffee millionaire nahone hu pfi o ṱuṱuwedza muṱa wawe uri u fhaṱutshedze dzangano nga ṅwambo wa zwenezwo.

Khaṱulo yo dovha ya dzumbulula zwidodombedzwa zwa muthu nga eṱhe nga ha vhushaka havho, u katela na uri vho ṱangana lini, nḓila ye lufuno lwavho lwa thoma ngayo, na tshelede ye ya badelwa ya mamalo. 

Ho ambiwa uri Black Coffee o badela R70,000 nga zwipiḓa nahone o tevhela maitele oṱhe a mbingano a sialala.

Hezwi zwi khou ḓa nga murahunyana ha musi Enhle o no ḓivhadza nga ḽa 10 Tshimedzi 2025 uri ṱhalano yawe na Black Coffee yo fhela lwa tshiofisi na uri o vhuyelela kha dzina ḽawe ḽa u thoma.

Hu pfi khothe yo dzhia tsheo i tshi mu tikedza, DJ o laedzwa uri a badele R25,000 ya u thogomela ṅwana, khathihi na u tikedza mufarisi wawe.

Fhedzi vhunzhi ha vhatikedzi vha Enhle vho hanedza nga maanḓa zwe muvhigo wa amba, vha tshi ombedzela uri o vha e na Black Coffee kale musi a sa athu vha ṋaledzi ya ḽifhasi.

Muṅwe mushumisi o ṅwala uri, “Fhedzi Black Coffee o vha a si mupfumi musi vha tshi vhingana.

• VHALANI HAFHU : Cyan Boujee o tenda uri u na crush kha murepa K.O

” Vhoinwi vhathu no bvela phanḓa vhukuma, nahone ni khou ṱuṱuwedza heyi phuropaganda.”