Cyan Boujee o tenda uri u na ‘crush’kha murepa K.O
Social media Influencer na DJ Cyan Boujee o bvisela khagala muḓivhalea ane a mu tama , nahone vhatevheli vhawe vho mangadzwa nga tsheo yawe i songo lavhelelwaho.
Content creator wa miṅwaha ya 23 o vula nga tshifhinga tsha nyambedzano na Freshman Magazine nga ḽa 14 Tshimedzi 2025.
He a amba nga ho livhaho nga ha vhutshilo hawe, mushumo wawe, na zwine a zwi takalela zwa lufuno.
Musi a tshi khou amba, Cyan o dzhia sia kha tshipiḓa tsha “12 Questions” tsha khandiso, he a humbelwa uri a bule madzina a vhathu vhane a vha funa.
O tenda nga u tamba uri vhunzhi ha vhanna vhe a vha a tshi vha takalela zwino “a vha tsheeho kha makete.”
A tshi khou sea, a ri, “Arali ni munna a ne a tamisesa, ndi khou ni humbela uri ni songo posa musidzana waṋu ngauri ri ḓo fhelelwa nga dzangalelo kha inwi. Tshilani nga tshifhinga tshine na vha nae, ni songo ri posela. Ri fanela u ita mini?”
Musi a tshi kombetshedzwa u dzumbulula uri ndi nnyi ane a vha na mbilu yawe zwa zwino.
Cyan o amba murepa na ramabindu Ntokozo “K.O” Mdluli sa muthu ane a mu funa vhukuma.
Muimbi wa nyimbo dza Caracara, ane a ḓivhelwa u dzika na ṱhuṱhuwedzo yawe i sa fheli kha hip hop ya Afrika Tshipembe, u vhonala a tshi sumbedza mufuda wa munna ane Cyan a mu takalela vhukuma.
- VHALANI HAFHU : Naledi Aphiwe na Mawelele vho vhuyelelana
“O dzika, o fhola, nahone a thi athu vhuya nda mu vhona vhutshiloni hanga hoṱhe. Nḓila ine a ḓifara ngayo, ndi munna wa ndeme.
” Ndi funa munna wa fhasi ane a sokou livhisa ṱhogomelo kha tshelede,” o kovha, a tshi vhonala a tshi khou ṱavha mukosi.
