Ngeletshedzo ya Melino kha vhane vha khou ṱoḓa u dzhenelela BBMzansi

Mathomoni a uno nwedzi, Big Brother Mzansi yo vula u dzhenelela kha khalaṅwaha yayo ya vhurathi.

Mbekanyamushumo ya muṱaṱisano wa vhukuma yo vulea kha mudzulapo muṅwe na muṅwe wa Afrika Tshipembe, vha re na miṅwaha i fhiraho 21.

Nḓivhadzo yo ṱanganedzwa nga dakalo hoṱhe, nga ṅwambo wa uri BBMzansi ndi mbekanyamushumo i funwaho.

Zwi a takadza vhukuma kha vhaṱaleli na vhane vha dzula nḓuni ya big Brother nga u fana.

Zwa ndeme vhukuma, BBMzansi yo shandula matshilo a vhanzhi, sa zwine ra zwi vhona kha vho dzhenelaho vho fhiraho.

Vhunzhi havho vha khou tshila vhutshilo ha nṱha , vha na mishumo i bvelelaho kha nḓowetshumo ya u ḓimvumvusa.

Sa vhunga vhanzhi vhane vha vha na fulufhelo vha tshi khou lingedza mashudu kha ino khalanwaha.

muṅwe we a vha a tshi dzula nḓuni u na nyeletshedzo yavhuḓi khavho.

Melino, we a vha e tshipiḓa khalaṅwaha ya vhuṱanu, o vhudziswa nga vhanzhi, uri u nga vha hani na ofishini ya vhuḓi

Mutambi wa reality show na muthu ane a thusa vhathu u ṱuṱuwedza muthu muṅwe na muṅwe ane a dzhena kha mbekanyamushumo uri a khwaṱhe muhumbuloni.

O engedza nga uri mutambo a u na vhushaka na mbonalo, u vha na vhukoni ha u amba, kana u takalelwa. Muthu u fanela u vha na maanḓa a muhumbulo.

“Ngauralo nyeletshedzo nthihi fhedzi ine nda nga i ṋea malugana na u ḓilugisela odishini yaṋu ya Big Brother 2026 na u ḓilugisela zwa vhukuma u ṱaṱisana kha mutambo, 

Arali na khethiwa u ṱaṱisana ḓilugiseleni muhumbulo kha tshiṅwe na tshiṅwe tshine tsha nga itea kana u poselwa kha inwi.

Kha sia ḽavhuḓi, Melino o kovha uri Big Brother Mzansi i nga ṋea muthu zwikhala zwinzhi zwoṱhe malugana na u tikedza, u tshimbila, thendelano dza u tikedza na zwithu zwinzhi nga u angaredza.

“Ndi pulatifomo yavhuḓi ya u thoma mushumo waṋu na vhutshilo nga u angaredza.

• VHALANI HAFHU : Scandal! tsho katela  vhatambi vhahulwane vha  ḓivheaho

“Nga ntha ha zwothe di lugiseleni muhumbuloni kha mvelelo dzi si dzavhudi na dza vhudi kana tshinwe na tshinwe tshine tsha nga poselwa kha inwi.,” o engedza