“Ndi khou humbela uri ni litshe u post vhananga” – Black Coffee
DJ Black Coffee o fhedza o amba nga murahu ha maduvha a nyambedzano dzi fhisaho malugana na u ṱalana hawe na mutambi wa matambya Enhle Mbali Mlotshwa.
Mubveledzi we a wina pfhufho dza Grammy o ya kha X (ine ya vha Twitter) u kovhelana mulaedza u bvaho mbiluni, a tshi humbela tshitshavha uri tshi ṱhonifhe tshiphiri tsha vhana vhawe.
“Ndi a zwi pfesesa uri vhoinwi vhathu ni tenda zwothe zwine na vhala fhedzi zwo luga. Sa khotsi, ndi na khumbelo nthihi. Ndi khou humbela uri ni litshe u posa vhananga kha dzi socials dzanu,” O nwala.
- vhari wana kha facebook| .facebook.com/profile.php
Poswo iyi i khou ḓa vhukati ha khanedzano dzine dza khou bvela phanḓa kha nyanḓadzamafhungo ya matshilisano nga ha u fhandekana hawe na Enhle.
Zwe zwa kokodza mihumbulo yo khwaṱhaho u bva kha vhafuni na vhathu vha tshitshavha nga u fana, hu tshi katelwa na khaladzi a muimbi, Lungie Maphumulo,
We zwe a amba zwenezwino zwa vusa ḓirama kha inthanethe vhukati ha vhatikedzi vha vhavhingani vha kale.
Tshitatamennde tsha Black Coffee tsho mbo di ṱavhanya u phaḓalala, vhashumisi vhanzhi vha tshi khou kovhelana mihumbulo yavho.
vhaṅwe vha tshi mu khoḓa nga u imelela vhana vhawe.
Muṅwe mushumisi o ṋea vhupfiwa, “No vula nyambedzano nga murahu ha musi no dzhena kha podikhasithi yeneyo na shulula mafhungo a fhisaho.
No vha no fanela u tendela zwithu zwi tshi elela sa zwe roṱhe ra vha ro zwi lavhelela. Nahone nga nḓila, avho na vhone vha na mme vhane vha nga si vhe na thaidzo ya u posa zwifanyiso zwavho.”
- VHALANI HAFHU: Musa o sumbedza tshifhaṱuwo tsha munna wa Lerato Nxumalo
Muṅwe mufuni o ṋekedza maipfi a thikhedzo, a ṅwala uri, “Vhavhi, murathu wanga, vha litsheleni kha Mudzimu. Ri a ni funa @RealBlackCoffee. Ngavhe ni tshi penya nga ho engedzeaho, muhulwane.”
