Nomzamo Mbatha kha Pfufho dza UN SDG sa dzhadzhi
Nomzamo Mbatha o Ṱanganelana na Pfufho dza UN SDG u ranga Phanḓa sa dzadzhi.
Ho no fhela vhege ri sa athu pfa mafhungo a uri Nomzamo Mbatha u khou imela Afrika Tshipembe kha zwiitea zwa ḽifhasi.
Zwa zwino o vha e kha samithi ya Foramu ya Ikonomi ya Ḽifhasi ya Vharangaphanḓa Vhaswa vha Ḽifhasi ngei Geneva, Switzerland.
Zwa zwino o vhidzwa kha mutevhe wa 2025 Time 100 Next.
Kha zwe a zwi swikelela ṅwaha uno, o nangiwa vhukati ha vhafumakadzi vha 100 vha nṱha kha ḽifhasi ḽa dzifilimu.
Nga Ṱhafamuhwe, o dovha a khethiwa kha Kiḽasi ya Vharangaphanḓa vha Ḽifhasi Vhaswa vha 2025.
- vhari wana kha facebook| .facebook.com/profile.php
Vharangaphanḓa vha 116 vha re fhasi ha miṅwaha ya 40 vhane vha khou shandula nḓila ine ra ranga phanḓa ngayo kha ḽifhasi ḽine ḽa khou shanduka.
Hezwi zwo vha zwi nga tshifhinga tsha vhuṱambo ha vhu-78 ha dzifilimu ha Cannes. Naho u khoḓiwa ho raloho hu si huswa kha Nomzamo, tshifhinga tshoṱhe u hu ṱanganedza nga u ḓiṱukufhadza.
U bvela phanḓa hawe na u dzhenelela kha mafhungo a ḽifhasi zwi sumbedza uri o aluwa a vha muṅwe wa vhaambasada vha ṱhonifheaho vhukuma vha Afrika Tshipembe vha mupo na vhurereli.
Nomzamo u khou vhea inwe rekhodo ntswa, nahone ri a dihudza ngae. O ḓivhadzwa sa muraḓo wa Phanele ya Vhuimo ha Nṱha ya dzhadzhi vha Pfufho dza Nyito dza 2025 dza Vhahali vha Matshelo: UN SDG.
Pfufho idzi dza vhuimo ha nṱha dzi dzhiela nṱha na u ṋea maanḓa vhatambi vha nṱhesa nga kha muzika, vhutsila na milaedza i ṱuṱuwedzaho u bva kha vharangaphanḓa u mona na ḽifhasini ḽoṱhe.
Pfufho dzi ḓo farwa nga Ḽavhuraru, ḽa 29 Tshimedzi 2025 ngei Roma, Italy.
- VHALANI HAFHU: Professor o vhuya na maanḓa nga single ntswa ‘Order’
“Ro takalela u ḓivhadza @nomzamo_m, Mutambi wa matambya, Muthusi, na Muambasada wa Vhuḓi ha @refugees, sa muraḓo wa Phanele ya Vhuimo ha Nṱha ya madzhadzhi vha 2025 madzhadzhi a Matshelo: Pfufho dza Nyito ya UN SDG,” ho amba Fulo ḽa Nyito ya UN SDG.
