Makhadzi o  diimelela kha mavharivhari a muthelo

Muimbi wa Afrika Tshipembe we a wina pfufho Makhadzi o fhindula vha City Press nga murahu ha musi khandiso yo vhiga,

Uri u khou sedzana na khonadzeo ya u dzhieliwa ha thundu nga ṅwambo wa khanedzano ine ya khou humbulelwa ya muthelo.

Uya nga ha tshiṱitshi, muimbi wa nyimbo  hu pfi u koloda khamphani ya vhueletshedzi R200,000, zwe zwa ṱavhanya u vusa nyambedzano kha inthanethe.

Fhedzi-ha, Makhadzi ha ngo fhedza tshifhinga a tshi khou amba nga ha muvhigo. Musi a tshi dzhena kha siaṱari ḽawe ḽa tshiofisi ḽa X (Twitter), o pomoka  uri hu khou phaḓaladza mazwifhi na u tshinyadza tshifanyiso tshawe.

O ṅwala uri: “Kha vha City Press , dovhani  na ganḓisa uri ndi khou ita ONE WOMAN SHOW nga ḽa 20 na ḽa 21 Nyendavhusiku ngei Makhuvha na Tshitediamu tsha Ha Rabali…  mazwifhi a fanela u engedzwa na ngoho.”

“Nnyi na nnyi we a gandisa hezwi u kha ḓi humbula uri ri kha 2010 hune wa nga sokou vuwa wa tshinyadza tshifanyiso tsha mutsila nga mazwifhi u tshi zwi ḓivha zwavhuḓi uri vha nga si kone u ḓiimelela.

Hetshi ndi tshifhinga tsha mbofholowo… shandula muhumbulo wau. Zwine nda ṱoḓa u amba ndi uri ṱhonifho yo naka… Leskarde Nyatsa. Muthu u vuwa hai a nwala mazwifhi” 

• VHALANI HAFHU: Penuel u amba nga ṱhalano ya Enhle Mbali na Black Coffee

Phindulo yawe yo vusa ṱhuṱhuwedzo nnzhi u bva kha vhafuni, vhanzhi vho ṱangana murahu ha muimbi vha mu ṱuṱuwedza uri a dzhie vhukando ha mulayo.

Muṅwe o swaswa a ri: “Tshitatamennde tsha tshiofisi nga Mxit English 😭 Ndi ngazwo e African Queen.”