Mawhoo o sasaladzwa nga u ṱuṱuwedza u nwa wa reila
Muimbi wa Afrika Tshipembe MaWhoo o di wana e vhukati ha u sasaladzwa nga nyanḓadzamafhungo ya matshilisano nga murahu ha musi o vhonala o nwa halwa phanḓa ha musi a tshi reila kha khunguwedzo ya goloi.
Mubvumbedzwa wa Gucci, ane dzina ḽawe ḽa vhukuma ndi Thandeka Nontobeko Ngema, o vha o sumbedzwa kha khunguwedzo ya goloi dza Jaecoo, vha tshi khou ṱuṱuwedza modele wavho muswa wa J5.
Fulo ḽo vha ḽo livhiswa kha u sumbedza vhuimo ha nṱha vhu sa ḓuri na vhubveledzi, fhedzi ḽo ṱavhanya u phaḓalala nga ṅwambo wa zwiitisi zwoṱhe zwo khakheaho.
Kha vidio, ye ya thoma u kovhelwa kha inthanethe nga muṱalutshedzi wa zwa vhuḓimvumvusi Musa Khawula nga ḽa 5 Tshimedzi 2025,
MaWhoo u vhonala a tshi khou ḓiphina nga pikiniki e eṱhe na charcuterie na ngilasi ya champagne phanḓa ha musi a tshi dzhena kha tshidulo tsha mureili a reila a ṱuwa.
Tshiwo itshi tsho mbo ḓi sasaladzwa, vhanzhi vha tshi mu pomoka na brand u ṱuṱuwedza vhuḓifari vhu sa tanganedzei.
Vhashumisi vha inthanethe vho sasaladza nḓivhadzo iyi sa i si na vhuḓifhinduleli, vha tshi sumbedzisa uri u nwa na u reila zwi kha ḓi vha tshiṅwe tsha zwiitisi zwihulwane zwa mpfu dza badani Afrika Tshipembe.
- vhari wana kha facebook| .facebook.com/profile.php
U ya nga Koporasi ya Ndangulo ya Themamveledziso ya Badani (RTMC), u nwa halwa zwi na vhushaka na mpfu dzi ṱoḓaho u vha 27% dza mpfu dzoṱhe dza badani kha shango.
Nga murahu , Jaecoo yo ṱavhanya ya bvisa vidio kha dzipulatifomo dzayo dza tshiofisi.
Fhedzi-ha, zwi khou bvela phanḓa na u phaḓalala kha nyanḓadzamafhungo ya matshilisano musi vhathu vha tshi khou vhudzisa uri zwo tendelwa hani u thomani.
Kha tshitatamennde tsho kovhelwaho nga News24, Vho Shannon Gahagan, Mulanguli wa Lushaka wa Brand na u Maketha wa Jaecoo na Omoga,
- VHALANI HAFHU: “Uzizwa Kanjan” lwo Swikisa 10K Views kha YouTube
Vho amba nga ha khanedzano na u ombedzela vhuimo ha brand kha vhuḓifari na vhuḓifhinduleli.
“Ri dzula ri sa dzinginyei kha vhuimo hashu ha u lwa na u nwa na u reila, nahone ri ḓo isa phanḓa na u ṱuṱuwedza vhuḓifhinduleli na u tikedza sitandadi tsha nṱhesa kha tshitshavha tshashu tshoṱhe,” vho ralo Vho Gahagan.
Source: http://fakazanews.com
