Prince Kaybee u eletshedza u vha na vhana u tshe mutuku

Prince Kaybee u eletshedza u vha na vhana u tshe mutuku .

Prince Kaybee o vhanga khakhathi nga tweet ya nga ha uvha mubebi. 

Muimbi wa Afrika Tshipembe Prince Kaybee o fhisa nyanḓadzamafhungo ya matshilisano nga murahu ha u ṅwala kha Twitter zwine zwa khou ḓisa khanedzano nga ha uvha mubebi na u aluwa.

DJ na mubveledzi o eletshedza vhathu uri vha vhe na vhana vha tshe vhaṱuku.

Vha tshi sumbedza uri zwi vhulunga vhana kha vhuleme ha vhuḓipfhi ha u sedzana na vhabebi vhane vha khou aluwa na vhane vha khou lwala nga murahu ha musi vho no aluwa.

“vhani na vhana ni mutuku, u vhea vhana vhanu vha kha mutsiko wa maḓipfele ngauri no no vha mulala, ni khou lwala, nahone ni tsini na u lovha a si zwavhuḓi!!!” Kaybee o ṅwala kha X.

Mulaedza wawe wo ṱambaho wo mbo ḓi fhandekanya vhashumisi vha pulatifomo.

vhanzhi vha tshi khou hanedzana arali vhuswa kana u vha na  masheleni zwi tshi fanela u ḓa u thoma musi hu tshi dzudzanywa u alusa vhana.

Muṅwe mushumisi o dovha a vhanda zwanḓa, a ṅwala a ri: “Hu pfi mini nga u vhea vhana vhaṋu vhushaini nga ṅwambo wa uri a ni athu uvha na tshithu  kha miṅwaha yeneyo ya vhuṱukuni?”

Muṅwe o a ri: “Ndo alutshela hayani he nda vha ndi sa koni u vha na zwithu zwinzhi zwine thangana dzanga dza vha nazwo.

Muṅwe muthu o amba uri: “Ndi a tendelana… ndi ngazwo u ya nga ḓivhazwakale vhanna vho vha vha tshi vhingana u bva vhe na miṅwaha ya 25 hu sa londwi u hanedzana ha zwa ekonomi.”

Phindulo i ṱungufhadzaho yo sumbedza ngoho kha vhaswa vhanzhi vhane vha khou sedzana na vhuleme ha masheleni.

• Vhalani hafhu Gogo maweni o fhatutshedzwa nga malwelavanḓa

“Bro, ri nga si kone u vha na vhana zwino. Ri nga si kone u ḓitika.”

Source : Fakazanews.com