Pabi Moloi u vho ambara size 11-12

Pabi Moloi o tshuwisa vhafuni vhawe nga murahu ha musi o dzumbulula uri zwino u a dzhena kha dzhesi ya vhutuku hawe.

Pabi Moloi u sia nyanḓadzamafhungo ya matshilisano i tshi khou lila nga ha tshanduko ya muvhili wawe une wa akhamadza.

Muhashi wa radio ya Power FM a re na vhukoni o kovha vidio ye ya vusa nyambedzano ntswa nga ha u fhungudzea hawe ha muvhili nga nḓila i mangadzaho.

Musi a tshi dzumbulula uri zwino u nga dzhena kha dzhesi yo itelwaho vhana.

Moloi we a takadza vhafuni vhawe zwenezwino nga u vhuyelela hawe gym nga ṅwedzi wa Lambamai,

O posa tshipiḓa kha Instagram nga Ḽavhuvhili, ḽa 1 Fulwana, a tshi khou sumbedza dzhesi ya denim ye ya vha i yawe, u bva musi a tshi kha ḓi vha na miṅwaha ya sumbe.

Jacket, yo ṅwalwaho ya vhana vha miṅwaha ya 11 -12, i kha ḓi mu lingana zwavhuḓi nga murahu ha miṅwaha i ṱoḓaho u vha mahumi mararu.

Kha yeneyo vidio, o humbula nga u swaswa nḓila ye muṱa wawe wa vha u tshi sevha ngayo uri muthu a songo laṱa zwithu.

“Muṱa wanga wo vha u tshi ri, ‘ge obatla go lahla dilo Paballo, oska di lahla’: zwine zwa amba uri arali ni tshi ṱoḓa u laṱa zwithu, ni songo zwi ita, ngauri khamusi ḽiṅwe ḓuvha ni ḓo dovha na zwi ṱoḓa.”

Moloi o isa phanda na u amba uri musi a tshi khou aluwa, o vha a tshi dzulela u vha nwana muhulwane nahone o vha o no ambara jacket ana minwaha ya 7, naho yo vha i size ya vhana vhahulwane.

O dovha a ṱhogomela uri o anzela u ambara saizi ya 40 a muhulwane, zwe zwa ita uri vhukoni hawe ha u kona u dzhena  kha zwiambaro zwa vhuṱuku vhu vhe tshipikwa tshihulwane kha lwendo lwawe lwa u ḓiondisa.

U engedza kha u ṱuvha, Pabi o ita na u fara rasiti ya u thoma ya dzhesi, a dzumbulula uri yo vha i tshi ḓura R80 fhedzi murahu nga 1996.

• VHALANI HAFHU: Sannah Mchunu u kou do tamba kha Generations

“Ke ya Mandela,” o ralo vha tshi khou sea, a tshi khou amba nga ha tshifhinga tshe dzhesi ya rengiwa ngatsho.

Translated by Nthaduleni Rolivhuwa