Wandi Ndlovu u khou pulana u itulula BBL yawe
Muḓivhalea wa Reality Tv na muṱuṱuwedzi Wandi Ndlovu o vusa nyambedzano kha inthanethe nga murahu ha musi o sumbedza uri a nga vha a tshi khou humbula u vhuedzedza murahu muaro wawe wa Brazilian Butt Lift (BBL).
Naledzi ya This Body Works For Me o amba zwithu zwi mangadzaho nga murahu ha u ṱhogomelwa hu songo lavhelelwaho nga muimbi wa Muamerika Summer Walker.
We a dovha a kovha tshiṅwe tsha zwinepe zwawe zwa BBL kha nyanḓadzamafhungo ya matshilisano.
Kha zwe zwa vhonala zwi tshifhinga tsha u elekanya nga ho livhaho, Wandi o ṅwala a ri: “Yesu, zwo luga, zwo luga, ndi ḓo zwi shandula.”
- VHA RI WANA KHA FACEBOOK| facebook.com/profile.
Khomenthe yeneyo yo mbo ḓi ṱavhanya ya dzhia mulilo kha inthanethe, vhanzhi vha i ṱalutshedza sa tshiga tsha u ḓitsola kha maitele awe a u ḓishandukisa.
Wandi o no vhuya a sumbedza muvhili wawe nga murahu ha u ita muaro kha dzipulatifomo dzawe dza nyanḓadzamafhungo ya matshilisano, zwa ita uri a khoḓiwe na u sasaladzwa.
Naho zwo ralo, zwe a zwi amba zwenezwino zwi sumbedza uri ho shanduka nḓila ine a ḓipfa ngayo nga ha tshanduko khulwane iyo.
Phindulo u bva kha MaAfrika Tshipembe na vhashumisi vha nyanḓadzamafhungo ya matshilisano yo ṱavhanya, vha tshi kovhelana vhudipfhi ho fhambanaho.
Muṅwe mushumisi o ṅwala uri, “Na ya u thoma yawe yo vha i tshi mangadza nga u fulufhedzea. Heyi yo kalula nahone nga nḓila mmbi,”
- VHALANI HAFHU:“Ro mulugisa” Scotts maphuma o dzhia selfie na mufuni
Ngeno vhaṅwe vho sokou sumbedza u tshuwa uri na vhaḓivhalea vha dzitshaka dzoṱhe vha ngaho Summer Walker vho vha vha tshi khou zwi sedzesa.
Translated by Nthaduleni Rolivhuwa
