“Ro mulugisa” Scotts maphuma o dzhia selfie na mufuni
Scotts Maphuma, we a vhuya a sasaladzwa nga ṅwambo wa u ḓikukumusa hawe, o no ḓi ḓivhea nga ṅwambo wa u dzhia selfie na mufuni wawe.
Muimbi wa Amapiano, we a vha a tshi vusa khanedzano nga u hana u dzhia zwinepe na vhatikedzi,
Zwino u vhonala a tshi khou ṱanganedza lufuno lu bvaho kha vhathu vhe vha thusa u ṱuṱuwedza u bvelela hawe ha bvumo.
Tshinepe tshine tsha khou phaḓalala zwino tsha Scotts a tshi khou mwemwela tsini na mufuni o takalaho tsho ita mafhungo kha inthanethe.
Zwa vusa phindulo dzi takadzaho na u pembelela nga u tamba u bva kha vhashumisi vha nyanḓadzamafhungo ya matshilisano.
Muṅwe mushumisi kha X (Twitter ya kale), @Nomagugu_xo, o kovha tshifanyiso tshi re na ṱhalutshedzo,
“Arali ‘ro mulugisa nga shangoi’ ḽo vha ḽi muthu,” zwine zwa amba “Sa shango, ro mu lugisa.”
U fhindula uhu hu khou ḓa nga murahu ha musi Scotts o no vhuya a ita ṱhoho dza mafhungo kha u amba nga nḓila i sa ṱanganedzei kha u ṱangana ha vhafuni musi a tshi khou bvelela kha L-Tido Podcast.
- VHA RI WANA KHA FACEBOOK| facebook.com/profile.
Nga tshenetsho tshifhinga, o amba nga nḓila i sa ṱoḓi pfarelo,
“A hu na muthu we a nkombetshedza uri ndi vhe muthu wa bvumo.
“Ndi itela vhathu muzika. Arali ndi sa ṱoḓi u dzhia tshifanyiso, zwenezwo a thi ḓipfi ndi tshi koloda.
“ A thi kolodi muthu. A hu na we a nnyisa hune nda vha hone, nahone a hu na ane a nga nnyita tshithu nga nnḓa ha Mudzimu.”
Hedzo ṱhalutshedzo a dzo ngo dzula zwavhuḓi kha vhanzhi, vhe vha dzi vhona sa tshiga tsha u ḓikukumusa.
Fhedzi zwino, zwi vhonala uri zwithu zwi khou shanduka, nahone vhafuni vha khou dzhia tshirunzi tsha u shandukiswa ha mbilu yawe zwine zwa vhonala.
- VHALANI HAFHU:A thi iti cocaine, i a ḓura”: Themba Broly
Phindulo dza inthanethe kha selfie yo phaḓalalaho dzo vha dzo ḓala miswaswo na u fushea.
Translated by Nthaduleni Rolivhuwa
