A thi iti cocaine, i a ḓura”: Themba Broly
Themba Broly o fhumula nga murahu ha nndwa ya malofha yo sia mubveledzi o huvhala
Themba Broly Mabaso o fhindula kha mavharivhari a tshi khou ḓi ṱangana a uri u shumisa cocaine.
Zwi tshi tevhela mivhigo ya zwenezwino ine ya khou mu ṱumanya na nndwa ya vhuvemu ye ya sia mubveledzi Nicey Beatz o huvhala.
Musi a tshi amba u itela u bvisa dzina ḽawe, ṋaledzi ya reality show o hanedza milandu ya u shumisa zwidzidzivhadzi,a
A ri, “Ndi ṋaledzi ya rock, fhedzi a thi dahi cocaine, zwi a ḓura vhukuma u zwi renga.”
Themba o di wana a tshi khou thuntshiwa nga murahu ha musi ho vha na khakhathi ya u ṱangana nga dzimbeu kha nnḓu ya dzifulethe.
Zwa sia mubveledzi wa muzika Nicey o vhaisala nga murahu ha musi hu tshi pfi o ṱhaselwa nga tshigwada tsha vhanna vha ṱoḓaho u vha 15.
Uya nga ha Nicey, Themba o vha o rwa muṅwe munna nga nḓila ya tshiṱuhu musi vha tshi khou ṱaṱisana.
- VHA RI WANA KHA FACEBOOK| facebook.com/profile.
Zwe zwa ita uri khonani dza mupondwa dzi lifhedze, Nicey a farwa vhukati.
Nicey o amba uri: “O vha a tshi vho ṱoḓa u fana na muthu a re na dimoni.”
“Nga murahu ha tshiwo o mbo di tuwa, na khonani dzawe zo vhuya dza nṱoḓa.”
Fhedzi-ha, Themba o hanedza nga maanḓa mafhungo a uri ndi ene we a dzudzanya kana u engedza khakhathi.
O ri o vha a tshi khou ḓiimelela fhedzi.
U sa pfesesana, u ya nga Themba, zwo bva kha u shumiswa ha ipfi “ntwana,”
Ḽe a amba uri ndi slang i si na khombo kha ḽa Alexandra ḽine ḽa amba “muṱhannga wanga.”
“O vha a tshi humbula uri ndi khou mu nyadza. Fhedzi hune nda bva hone, ri amba nga u ralo. Ho vha hu si u sa ṱhonifha,” o ralo.
“Ndi musi nndwa i tshi thoma. Nicey o vha a si tshipida tshazwo. O sokou dzhena kha nyimele.”
Translated by Nthaduleni Rolivhuwa
