‘Ndo vhona ndevhu dza Cassper dzi tshi shanduka ṋowa’: Big Xhosa

Big Xhosa u ṱalutshedza uri ndi ngani o ṱutshela muzika.

Muimbi wa rap ane a khou ḓisa khanedzano Big Xhosa o ḓivhadza uri u khou ṱuwa kha muzika wa hip hop.

Muimbi wa My Ex o kovhelana vidio kha TikTok a tshi khou ṱalutshedza uri u na bono ḽe ḽa shandula tshoṱhe mavhonele awe kha nḓowetshumo ya muzika.

Kha vidio, o dzumbulula uri muruṅwa o bvelela khae nahone a mu isa fhethu hu sa ḓivhei na hu sa takadzi hune ha vhidzwa “Kwakwam,” hune a amba uri hu na vhushaka na Illuminati.

“Hu na lwendo luswa lune nda khou lu fara, nahone ndo sumbedzwa bono,” Big Xhosa o ralo.

“Muruṅwa o nnyisa fhethu hune ha pfi Kwakwam, hune ha vha muhasho wa Illuminati. Ndi khou ita na u tetemela zwiṱuku ndi tshi khou amba nga hazwo.”

O isa phanḓa na u ṱalusa zwe a zwi vhona henefho, ho katelwa na vhatsila vha ḓivheaho vha Afrika Tshipembe nga zwivhumbeo zwi sa ḓivhei.

Muṅwe wavho, o amba uri ndi Cassper Nyovest.

“Ndo vhona muthu o dzula kha khuluṋoni, ndi Cassper, nahone u na ndebvu dzi penyaho.

“Musi ndi tshi sendela tsini, ndo vhona uri ndebvu dzo shanduka ṋowa. Ngei Kwakwam, dzina ḽa Cassper ndi Ginon,” o ḓiamba.

Big Xhosa o dovha a amba uri o tangana na munwe muimbi ane a divhea sa Usimamane, ane hu pfi o muvhudza uri a songo tsha shumisa dzina ilo.

“Muṅwe muthu o nkwama a mmbudzisa uri, ‘Ndi ngani ni fhano?’ Ndo rembuluwa nda vhona Usimamane.

“Nda amba dzina ḽawe, nahone a fhindula a ri, ‘Hai, hai! Ni songo mmbidza Usimamane. Dzina ḽanga ḽa vhukuma ngei Kwakwam ndi uSathane.’”

Vhashumisi vha nyanḓadzamafhungo ya matshilisano vho sala vho mangadzwa nga zwe mureipi a amba.

Vhaṅwe vha tshi mu pomoka uri u khou toda u dzhielwa ntha, ngeno vhaṅwe vha tshi khou swaswa vha tshi amba uri a nga vha a tshi khou ṱoḓa u ḓivha zwithu zwi si zwone.

• VHALANI HAFHU:Hungani na Stephanie Ndlovu vho talana

Naho zwo ralo, vha si gathi vho amba uri mafhungo eneo a pfala o livha vhukuma uri a nga bviswa nga ho livhaho.

Translated by Nthaduleni Rolivhuwa