Hungani na Stephanie Ndlovu vho talana

Vhatambi vha ḓivheaho vha Afrika Tshipembe Hungani na Stephanie Ndlovu hu khou pfala uri vho fhelisa mbingano yavho ya miṅwaha ya Rathi.

Vhavhingani avha, vhe vha vha vha tshi khoḓiwa sa vhaṅwe vha mafhungo a lufuno ane a takalelwa vhukuma nga Mzansi,

Hu pfi vho fhandekana nga vhukonani nga murahu ha musi vho no swika kha thendelano tshiphierini.

Mafhungo aya, o thoma u vhigwa nga News24, a khwathisedza uri vhushaka havho ho vha ho no fhela zwi sa lugisei.

Naho vho vhulunga mihumbulo yo khetheaho nnḓa ha maṱo a tshitshavha, tsheo yavho i sumbedza nḓowelo i khou aluwaho vhukati ha vhavhingani vha tshifhinga tshilapfu vhane vha khou tshimbila kha mvelaphanḓa ya matshilisano ine ya khou shanduka.

Ngudo ya 2023 nga Khoro ya Ṱhoḓisiso ya Saintsi ya Vhathu yo sumbedzisa u gonya ha 40% ha ṱhalano vhukati ha vhafunani vho vhinganaho lwa miṅwaha miṱanu kana u fhira.

Vhanzhi vha tshi amba nga ha mitsiko ya musalauno na u shandukiswa ha zwilavhelelwa.

Hungani na Stephanie, vhe vha ṱangana nga nḓila i ḓivheaho kha sethe ya tshiṱori tsho ḓivheaho tsha Scandal!,

 Vho vhofha lufuno kha vhuṱambo ha ngadeni ya phuraivethe nga ḽa 23 Luhuhi, 2019.

Kanzhi vho vha vha tshi kovhelana zwifhinga zwa mbingano yavho na vhatevheli vhavho, nahone vhushaka havho kha tshikirini na nnḓa hatsho ho vha ita vhaṅwe vha vhafunani vhane vha funeswa kha nḓowetshumo.

Naho zwiitisi zwa u fhandekana havho zwi tshi kha ḓi vha zwa tshiphirini, nḓivhadzo yo vusa nyambedzano malugana na masiandoitwa a bvumo kha vhushaka

 Na nḓila ine tshifanyiso tsha tshitshavha tsha anzela u dzumba ngayo khaedu dza muthu nga eṱhe.

• VHALANI HAFHU: Dineo Langa o di amba uri ndi ṅanga ya sialala .

Naho vhushaka havho ho fhela, vhuvhili havho vho sumbedza u ṱhonifhana nahone vha vhonala vho ḓiimisela u bvela phanḓa hu si na ḓirama.

Translated by Nthaduleni Rolivhuwa