“Kha ri litshe halwa”: L-Tido u ṱuṱuwedza MaAfrika Tshipembe

Muimbi wa rap na podcaster L-Tido o humbela maAfrika Tshipembe uri vha vhe na vhulondo kha u nwa halwa.

Zwi tshi tevhela mivhigo i vhilaedzisaho nga ha halwa ha vhufhura vhune ha khou ḓala makete.

Musi vha tshi dzhia kha nyanḓadzamafhungo ya matshilisano, ṋaledzi yo fhindula kha vidio ine ya sumbedza vhaofisiri vha Tshumelo ya Mapholisa ya Afrika Tshipembe (SAPS) vha tshi khou wana tshiimiswa tshine ha khou bveledzwa hone halwa ha vhufhura.

U vhilaedziswa nga zwe a zwi vhona, L-Tido o kovha vidio nahone a ṅwala uri, “Bafethu, kha ri litshe halwa… u nwa zwi khou vha mutambo wo kalulaho.”

Poswo yo mbo ḓi dzhielwa nṱha nga u ṱavhanya, vhashumisi vha ḓala kha tshipiḓa tsha vhupfiwa u itela u kovhelana nḓila ine vha aravha ngayo.

Muṅwe mushumisi o ṅwala uri, “N!ggas kha kilabu vha vhe vha tshi khou sumbedza nga mabodelo o itwaho kamarani ya u ṱambela.”

Muṅwe o sevha mapholisa thwii: “Yhoooo!!! @SAPoliceService vhashumi vhaṋu vha khou farakanea nga u nukha dzikhemikhala kha boḓelo.

Yhooo, shango ḽashu bathong. A hu na magiḽavu, vokol, musi vha tshi khou shumana na vhuṱanzi vhuvhi. Yhooo, vha fanela u dzhia dzenedzo jerry can vha dzi hwale sa vhuṱanzi ha lab uri vhu lingiwe.”

• VHALANI HAFHU:Manaka Ranaka u ḓisa mbekanyamushumo ntswa Eyamadoda

Muṅwe mufuni o vhilaelaho o engedza nga uri, “Tshivhalo tsha ethanol ine avha vhanna vha khou ri ṋea tsho no fhira vhukuma.”

Translated by Nthaduleni Rolivhuwa