Munna wa DJ Zinhle Murdah Bongz u fara minwaha ya 38
DJ Zinhle o dzhena kha nyanḓadzamafhungo ya matshilisano nga u hulisa hu kwamaho mbilu munna wawe, Murdah Bongz, musi a tshi khou pembelela ḓuvha ḽawe ḽa mabebo ḽa vhu 38.
Muimbi wa muzika wa miṅwaha ya 42 o kovhelana zwinepe zwavhuḓi zwa vhenevho vhavhili.
Zwi tshi khou tshimbila na mulaedza wa muthu nga eṱhe wo dzikaho une wa sumbedza lufuno na u khoḓa zwine a vha nazwo kha mufarisi wawe.
Kha post i bvaho mbiluni, Zinhle o khoḓa Murdah nga mvelo yawe yo dzikaho, vhukoni hawe ha u sika, na u vha na vhukoni ha u ṱanganedza vhathu.
Pfaneleo dzine a amba uri dzi ḓisa tshedza vhutshiloni havho.
“Ngoho ni muṅwe wa muthihi — no dzikaho vhukuma, ni na vhukoni, nahone ni takadza vhukuma,” o ṅwala.
“A thi ambi zwo eḓanaho, fhedzi u seisa haṋu ndi tshiṅwe tsha zwithu zwine nda zwi funesa nga ha inwi. Ni a nseisa musi ndi tshi zwi ṱoḓa nga maanḓa.”
Musi vha tshi humbula nga ha lwendo lwavho vhe vhoṱhe, Zinhle o sumbedza nḓila ye a vha a tshi takalela ngayo u vhona munna wawe a tshi khou bvelela kha vhuṋe na kha mushumo wawe.
O ri: “U ni vhona ni tshi khou aluwa sa munna, khotsi, na mutsila zwo vha tshifhiwa tshihulwanesa.”
“Ndo livhuwa u mpfuna nga u rali hu si na vhuḓidini na u dzulela u ḓisumbedza nga mbilu yaṋu yoṱhe.”
O fhedza u hulisa hawe nga u ṱanganedza vhumatshelo havho:
“Hafha ndi ha vhutshilo ho engedzeaho, muzika wo engedzeaho, u sea ho engedzeaho, na lufuno lwo engedzeaho, roṱhe. Ndi a ni funa nga hu sa fheli.”
- VHALANI HAFHU: Vho Dokotela Brian Monaisa na mufumakadzi muswa
Vhafuni vho ḓadza poso nga u tamela mashudu na u khoḓa vhavhingani, vhane vha khou bvela phanḓa na u shumela zwipikwa zwa vhushaka kha tshiṱeidzhi na nnḓa hatsho.
Translated by Nthaduleni Rolivhuwa
