DJ maphorisa uri hana beef na Mac G .
DJ Maphorisa o fhedza o amba nga ha vhushaka hawe na muhashi wa Podcast na Chill Mac G, a vhea mafhungo ane a kha ḓi vha hone kha sesheni ya Instagram Live yo ṱambaho ye ya vusa khanedzano kha inthanethe.
Mubveledzi we a wina pfufho o zwi bvisela khagala uri ha na tshiṱuhu kha Mac G fhedzi ho ngo ḓifara luvhi nga u sumbedza ṱhogomelo musi zwi tshi ḓa kha u ṱanganelana na mupodikhasithi a ambaho nga ho livhaho.
Ḓivhazwakale yavho yo vha i rollercoaster, nga tshiṅwe tshifhinga, Mac G o tikedza Maphorisa khagala vhukati ha u pomokwa ha u shumiswa luvhi, zwe zwa mangadza vhafuni vhanzhi.
Fhedzi dzikhakhathi dzo dovha dza vuwa musi MacG nga murahu a tshi amba nga ha Maphorisa sa “gatekeeper” kha nḓowetshumo ya muzika,
U vhidziwa nga u ralo a zwi ngo dzula zwavhuḓi kha mubvumbedzwa wa Midnight Starring.
Nga tshifhinga tsha livestream, Maphorisa o ṱanganedza tshifhinga tshavho tsho fhiraho tsha matombo fhedzi a ombedzela uri ha na thaidzo ya muthu nga eṱhe na Mac G.
Fhedzi-ha, o sevha uri u bvelela kha podcast zwi nga vha na khombo:
“Zwi na khombo u amba nae ngauri maipfi a mueni a a shanduka,” o ralo, a tshi amba nga ha mbilaelo dzi fanaho dze a dzi bvisela khagala nga tshifhinga tsha nyete ya Scotts Maphuma.
Tshipiḓa tsha vidio, tsho rumelwaho kha nyanḓadzamafhungo ya matshilisano nga @Mo_D1d nga Ḽavhuraru, ḽa 4 Fulwi 2025, tsho ṱavhanya u phaḓalala nahone tsha fhandekanya mihumbulo.
Vhaṅwe vho khoḓa mubveledzi nga u ita uri i dzule i ya vhukuma, ngeno vhaṅwe vho mu eletshedza uri a iledze tshoṱhe podcast.
- VHLANI HAFHU:Nwana wa Big Zulu o ḓidzhenisa kha zwa muzika
“Phori u ya amba zwavhudi vhukuma murahu ha zwiṱori. Thaidzo ndi ya uri vhathu vha dzulela u haṱula bugu nga khavha yayo,” ho ṱalutshedza @Van_De_Deputy.
Translated by Nthaduleni Rolivhuwa
