Kay B u bva mulomo musi o no bva kha Big Brother Mzansi
Florence ane a ḓivhea sa “Kay B” Mphirime o bva mulomo malugana na u tuwisiwa hawe kha Big Brother Mzansi.
O tuwisiwa nga vhege ya vhuvhili musi Bokang ane a ḓivhea sa “Beekay” Chephetsa a tshi mu pomokedza u ita dzi nndwa dzi sa ṱoḓei.
Ralunako uyu wa miṅwaha ya fumbilitharu (23) o mangadzwa nga tsheo iyo yo dzhiiwaho.
O amba u ri “ musi vha tshi mbudza uri ndi khou tuwa hayani ndo vhaisala nga maanḓa. ndo vha ndi kha ḓi toḓa u lingedza u humbula ze nda khakha zwone.”
“Nṋe na Beekay ro sea nga haya mafhungo ra dovha ra bva khazwo. Fhedzi murahuni ha musi Beekay a tshi ya ngei lufherani lwa u bulula zwothe, Ndo zwi vhona uri hono shanduka zwinwe khae.
Kay B o humbela pfarelo fhedzi o pfa uri a zwi ngo lingana.
O ḓo ṱutshela kule kha social media musi o no tuwa kha Big Brother Mzansi.
O amba a ri “ a thi ngo takalela nga nḓila ye vhathu vha vha vha khou vhonisa zwone, hezwila a si zwone zwine nne nda vha zwone.”
Ho no fhela vhege tharu musi o tuwa kha Big Brather Mzansi o ḓi vha a khou isa phanda na vhushaka hawe na munwe we a vha a tshi dzula nae ngei nduni ya Big Brother sa Hassan ane a ḓivhea sa “savage” Rigney.
Lufuno lwavho lu katela na Bonni bee ( Bongiwe Booi) we a bvisiwa musi hu khou ṱuwisiwa vhathu vhavhili.
Kha interview na Rigney o sumbedzisa uri u ya mufuna.
Mphirime o mangala u mu wana o mulindela ngei hodelani hune a dzula hone musi a sa athu humela hayani.
O amba u ri “ o muvhudza uri u ya mufuna na uri u khou ṱo ḓa u vha na vhumatshelo nae.
Nazwino ri khou lingedza u fhata vhumatshelo hafhu.”
Mphirime o pfuluwa uri a kone u vha tsini na Rigney.
O ḓovha a engedza nga u ri “ ndi funa nga nḓila ine a tshireledza ngayo na uri u nukhelela zwavhuḓi.”
Musi o no tuwa kha Big Brother Mzansi ho ḓo fariwa mutangano na vhanwe vhathu vho salaho hu khou ambiwa nga ha thendelo.
Vha Mzansi Magic vho ṱahisa ḽa uri vhone a vha imi na maitele a ne a ḓo vhea vhutshilo ha vhanwe vhathu khomboni.
Mphirime o dzenelela Big Brother Mzansi uri a fhole kha vhunwe vhushaka vhune a khou bva khaho.
O amba a ri “ ndo vha ndi khou ṱa ngana nazwo kha sia ḽa zwa lufuno.”
O vha a khou ṱo ḓa u sedza vho zwinwe zwa zwithu musi a sa athu u graduwetha.
O vhedzisela nga u amba u ri “u vha kha ḽitambya heḽi zwo vha zwi tshi takadza naho tshifhinga tshawe tsho vha tshipfufhi.
